Amos 5:3-5

Magandang Balita Biblia (with Deuterocanon)

³ Sinabi ng Panginoong Yahweh,
“Sa sanlibong kawal na inatasan ng isang lunsod,
    iisang daan ang makakabalik;
sa sandaan namang inatasan ng isa pang lunsod,
    ang makakabalik ay sampu na lamang.”

⁴ Ito pa ang sabi ni Yahweh sa mga taga-Israel:
“Lumapit kayo sa akin at kayo'y mabubuhay;
⁵     huwag kayong pumunta sa Bethel upang humingi ng tulong;
    huwag kayong pumunta doon sa Beer-seba,
sapagkat ang mga taga-Gilgal ay tiyak na mabibihag,
    at ang Bethel ay mawawalang kabuluhan.”